XOGAMOS CON PIPO

Aquí vos deixo un enlace para que poidades xogar co noso amigo Pipo. Na clase temos algún xogo de matemáticas e lingua de Pipo, e con el xogamos e aprendemos. 
Con este enlace podemos tamén xogar na casa. Son especialmente interesantes os apartados "Juegos" e "Actividades" con un montón de cousas que facer para nos divertir (contos, adiviñas, vídeos,...).                                        
                                                             ¡¡Pasádeo ben!!

                                                                                    FAI CLIC AQUÍ PARA XOGOS

CONTAMOS XOGANDO

Por fin xuntamos os tapóns para facer a nosa máquina de contar. Este venres estreamos a máquina e gustounos moito. Agora seguimos traendo algúns tapóns para ver se podemos facer outra. Estamos encantados e desexando utilizala moitas veces para aprender todos os números do 1 ao 100.

¡¡  XA  TEMOS  DÚAS  MÁQUINAS !!

PROXECTO "O MAR"

No noso cole estamos a traballar nun proxecto sobre o mar. Moitas das nosas actividades teñen que ver con este tema.
Estes días estamos a ver distintas especies de peixes. Tivemos un cabracho, raia, polbo cabezudo,... un pequeno tiburón (cazón) e unha enooooorme cabeza de peixe espada. A exposición estaba no hall da entrada e as mestras leváronnos a vela. Foi XENIAL!!

SEGUNDO TRIMESTRE

Ao longo do trimestre os de 2ºB fixemos variadas actividades, nas fotos veredes unha mostra.

CANCIÓN MESES DO ANO

Os alumn@as de 1ºB estamos traballando cos meses do ano. Para aprendelos mellor e nos divertir
imos cantar esta bonita canción. Animádevos a practicar en casa en familia e/ou con amig@s.

XOGO E APRENDO

Nos enlaces atoparedes varios xogos para aprender dun xeito divertido.

MERENDAS SAUDABLES

O noso cole está a participar nun programa de alimentación saudable. Nesta ocasión o programa no que participamos é "PONLLE AS PILAS AO TEU BOCATA". 

Hoxe visitáronnos unhas monitoras que nos explicaron a importancia de comer de forma saudable. Trouxeron un montón de alimentos variados e sans para facer un botaca. Cada un de nós eliximos o bocata que queríamos e metíamos dentro do pan os ingredientes que máis nos gustaron. Tiñan ingredientes de orixe animal (xoubiñas, atún e mexillóns e queixo) e tamén vexetais (leituga, tomate, brotes de soja, aceitunas, cenoria,...). Vaia bocatas que fixemos!. E cómo nos puxemos ! Estaban riquísimos.

CARNAVAL,  CARNAVAL ...!!

Os nen@s de primeiro estivemos a traballar para o entroido. Fixemos unhas máscaras estupendas para decorar o cole e introducirnos nun ambiente festeiro. Tamén fixemos antifaces e adornos.

O venres fomos tod@s disfrazados ó cole.

CARNAVAL, CARNAVAL !! on PhotoPeach