PLAN PROXECTA "GÚSTANOS A FROITA"

O noso cole está a participar nun "Plan proxecta" relacionado coa boa alimentación.
Durante dúas semanas estamos a merendar distintos tipos de froitas na clase.
A algúns de nós non nos gustan determinadas froitas, pero facemos un esforzo e comemos un pouquiño tal e como nos pide a profe. Cando a froita nos gusta moito, ata repetimos.
Estamos moi content@s con este proxecto e cando algún de nós acaba toda a froita que non nos gusta, aplaudimos a rabiar.
Mirade que felices estamos.

RIQUÍIIIIIISIMA FROITA on PhotoPeach

COÑECEMENTO DO MEDIO

Os de segundo estamos a estudar o tema dos animais. Como sei que vos gusta moito, aquí deixo uns enlaces para aprender e xogar.
                                                                                                             

  

BIBLIOTECA GONZÁLEZ GARCÉS

Os de segundo fomos de visita á biblioteca Miguel González Garcés. Elena, a bibliotecaria, ensinounos todas as cousas que podemos atopar na biblioteca: exposicións, libros de consulta, contos, xogos... Tamén nos contou unhas historias divertidas.

ACTIVIDADE ANIMACIÓN LECTURA

Hai uns días os alumn@s do primeiro ciclo tivemos unha visita moi esperada. Tivemos unha sesión de contacontos e animación á lectura na biblioteca do noso cole.
Os alumn@s de 1ºB estivemos a ler este curso o libro El secuestro de la bibliotecaria, que por certo foi moi interesante. Tamén fixemos actividades na clase sobre o libro.
Por fin chegou o día en que traballaríamos co libro nun contacontos. Visitounos unha rapaza moi simpática e con ela os nen@s de primeiro fixemos unha representación teatral do libro. Pasámolo xenial. Rimos a gargalladas e a representación saiu estupendamente.
Aquí deixamos unha presentación con algunhas fotos que dan fe do bo momento que pasamos.

MÁIS ACTIVIDADES

O Tangram é un xogo chinés moi antigo que consiste en formar siluetas de figuras con sete pezas dadas, que son: cinco triángulos, un cadrado e un paralelogramo. Proba no enlace cantas siluetas podes facer!
                                                               

  

Queres comprobar o ben que sabes as táboas de multiplicar?                                                                       

E agora actividades de lingua: palabras con "mp" "mb", xogo de pasapalabra e adiviñas de animais. Anímaste a probar?                                                                                                                                                     

                                                                                                         

LETRAS GALEGAS

Este ano o Día das Letras Galegas está dedicado ao poeta lucense Xosé Mª Díaz Castro (1914-1990).
Aquí quédavos un enlace para coñecer a este escritor.
                                                                     

Escoitade tamén esta alegre canción que vos anima a usar o galego.

O PEQUENO XARDÍN

Neste último trimestre, os alumn@s de 1ºB decidimos crear un pequeno xardín na nosa clase. A semana pasada vimos en Coñecemento do Medio un tema sobre as plantas e pensamos que sería bo ver o que aprendimos "en vivo".
Estamos a experimentar distintas formas de plantar. Para iso trouxemos a clase un talo de xeranio. Puxémolo nunha maceta directamente na terra, sen raíz e... prendeu!!! De feito ata lle naceu unha flor. Así aprendimos que algunhas plantas pódense plantar ser raíz.
Tamén trouxemos outros tipos de plantas, pero estas non prenden sen raíz, así que as puxemos nun recipiente con auga uns días, e... Que sorpresa levamos!! Medráronlle raíces. Despois tamén as puxemos noutra maceta.
A última parte do noso pequeno proxecto (e a máis difícil) consiste en plantar sementes. Eleximos plantar perexil. Levamos sementes a clase e plantámolas noutra maceta. Como sobraron bastantes imos plantar cada un de nós nun vaso para levar para a casa. Agora temos que agardar a ver se medra. 
Entre todos, encargámonos do coidado do noso "xardín". 
Mirade as fotos das nosas plantas.
Iremos colocando máis fotos segundo vaian medrando.

MEDRAN RAÍCES

XERANIO

SEMENTES PEREXIL

PEREXIL

XARDÍN

REGAMOS

DESPOIS DA PLANTACIÓN, XA TEMOS ALGÚNS RESULTADOS. AS NOSAS PLANTAS MEDRAN COS NOSOS COIDADOS.  VELAQUÍ ESTÁN.